Texnologiya
Office 2016-da nələr var?
ABŞ-ın Microsoft korporasiyası Windows əməliyyat sistemi üçün Office 2016 paketinin ilkin versiyasını nümayiş etdirib. Access, Excel, Lync, OneNote, Outlook, PowerPoint, Publisher və Word əlavələrinin daxil olduğu paket tərtibatçılar və informasiya texnologiyaları (İT) sahəsində çalışan mütəxəssislər üçün nəzərdə tutulub.
Milli.Az ICTnews-a istinadən bildirir ki, paketdə hələ planlaşdırılan funksiyaların hamısı quraşdırılmayıb, lakin yeni texniki imkanların yer alacağı yenilənmə paketləri hər ay buraxılacaq. Windows üçün Office 2016-nın sonuncu versiyasının cari ilin ikinci yarısında təqdim olunacağı gözlənilir.
Office 2016 paketi Windows 10 əməliyyat sistemi üçün sensor interfeysli versiyadan fərqli olaraq ənənəvi masaüstü kompüterlər üçün nəzərdə tutulan paketdir.
Milli.Az