Nemtsovla bağlı yeni video (FOTO)

Rusiya müxalifət lideri Boris Nemtsovun öldürməkdə ittiham edilən Zaur Dadaev və Anzor Qubaşevin cinayəti törətdikdən sonra qaçarkən yeni görüntüləri yayılıb.

ANS PRESS-in məlumatına görə, şübhəlilər hadisə zamanı istifadə etdiyi "ZAZ-Chance" avtomobilində görüntülənib.

"ZAZ-Chance" avtomobili cinayətdən qısa müddət əvvəl müşahidə kameralarına düşüb.

Avtomobil 2014-ci il sentyabr ayında alındığı bildirilir. Avtomobilin 12 min rubl məbləğində cəriməsi olub.

Zaur Dadaev və Anzor Qubaşevin həbs olunması haqda xəbər martın 7-də yayılıb.

Xatırladaq ki, Boris Nemtsov fevralın 27-də Moskva vaxtı ilə 23:37-də öldürülüb. Qatillər Boris Nemtsova 6 güllə atıblar. Onlardan dördü hədəfə dəyib.

Mənbə
ANS PRESS