“Muğanbank”da adsız istiqrazlar üzrə 43-cü tiraj keçiriləcək

Bakı, 13 mart,

AZƏRTAC

“Muğanbank” ASC-nin baş ofisində, martın 15-də, saat 10-da adsız istiqrazlar üzrə sayca 43-cü tiraj keçiriləcək.

Bankdan

AZƏRTAC

-a bildiriblər ki, adsız istiqrazlar üzrə hər tirajın uduş fondu 562 500 manat, uduşlu istiqrazların sayı isə 2 min ədəd təşkil edir. Maksimum uduş məbləği 50 min manatdır.

Hazırkı məhsulun uduş faizi kifayət qədər yüksəkdir, habelə hər bir istiqraz sahibinə illik 2 faiz gəlir təmin edilir. İstiqraz sahibləri istiqrazlarını istənilən vaxt banka qaytarmaq imkanına malikdirlər. İstiqraz qaytarılarkən nominal məbləğinin üzərinə yuxarıda göstərilən illik faiz əlavə olunur.

Ətraflı məlumatı bankın məlumat mərkəzindən, (012) 933, 564 35 11 telefon nömrələrindən əldə etmək olar.