İŞİD-in 20 üzvü həbs edildi

Tunisdə bir qədər əvvəl “Bardo” muzeyinə edilən hücumda şübhəli bilinən 20 nəfər saxlanılıb.

ANS PRESS-in məlumatına görə, saxlanılan şəxslərdən 10-unun hücumun planlaşdırılmasında əli olduğu ehtimal edilir.

Hücum zamanı 24 nəfər ölmüş, 40-dan çox insan yaralanmışdı. Ölənlərin əksəriyyəti avropalı turistlərdir.

Hücuma görə İŞİD silahlı qruplaşması məsuliyyəti öz üzərinə götürüb.

Bir qədər əvvəl Tunis rəhbərliyi silahlıların muzeyə hücum etməkdə əsl hədəflərinin ölkə iqtisadiyyatın əsas sahəsini təşkil edən turizm sənayesinə zərbə vurmaq olduğunu açıqlamışdı.

Mənbə
ANS PRESS