“İpək yolu” nəqliyyat dəhlizinin Azərbaycan ərazisində 58,2 milyon ton yük daşınıb

Bakı, 22 mart,

AZƏRTAC

 

Ötən il “İpək yolu” nəqliyyat dəhlizinin Azərbaycan ərazisində 58,2 milyon ton yük, 307,3 milyon nəfər sərnişin daşınıb.

Dövlət Statistika Komitəsindən

AZƏRTAC

-a bildiriblər ki, dəhlizdə daşınmış yüklərin 49,8 faizi avtomobil, 34,2 faizi dəmir yolu, 16 faizi dəniz nəqliyyatının payına düşüb, avtomobil nəqliyyatında 5,7 faiz artım qeydə alınıb. Dəhliz vasitəsilə daşınmış yüklərin 21,9 faizini və ya 12,8 milyon tonunu tranzit yüklər təşkil edib.

Yük daşımaları fəaliyyətindən 531 milyon manat, sərnişin daşınmasından isə 120,4 milyon manat gəlir əldə olunub.