Dilarə Əliyeva küçəsində nəqliyyatın hərəkəti tam bərpa olunub

Bakı, 27 mart,

AZƏRTAC

Bakının Dilarə Əliyeva küçəsində təmir işləri başa çatıb və nəqliyyatın hərəkəti tam bərpa olunub.

Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev

AZƏRTAC

-a bildirib ki, Keykab Səfərəliyeva küçəsi ilə kəsişmədən Rəşid Behbudov küçəsi ilə kəsişməyədək olan 1370 metr hissədə beton səki daşları mərmər səki daşı ilə əvəzlənib. Yeni asfalt-beton örtük döşənərək yolun hərəkət hissəsinin üfüqi nişanlanması işləri həyata keçirilib.