Dərmandan zəhərlənən Bakı sakini öldü

Bakıda iki nəfər dərmandan zəhərlənib.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, zəhərlənənlərdən birin dünyasını dəyişib.

Martın 5-də Binəqədi rayonu ərazisində yaşayan Emin Məmmədov dərmandan zəhərlənmə ilə xəstəxanaya gətirilib.

Həkimlərin səyinə baxmayaraq Emin Məmmədovun həyatını xilas etmək mümkün olmayıb.

Bundan başqa, martın 5-də Səbail rayonu ərazisində yaşayan Nəhayət Nəbiyeva dərmandan zəhərlənib.

Onu ağır vəziyyətdə xəstəxanaya yerləşdiriblər.

Hər iki faktla bağlı araşdırma aparılır.

Mənbə
ANS PRESS