Bu qəpik 200 milyon faiz bahalaşdı

ABŞ-da hərraca çıxarılan 1 sentlik sikkəyə 2 milyon dollar qiymət qoydular

Milli.Az

İnterfax

-a istinadən bildirir ki, Baltimor şəhərində hərraca çıxarılan qəpik müstəmləkə dövrünə aiddir.

Stack’s Bowers hərrac evi 1792-ci ildə buraxılmış qəpiyə ilkin olaraq 2 milyon dollar qiymət qoyub. Beləliklə, son 223 il ərzində 1-sentlik 200 milyon faiz bahalaşıb.

Hərrac martın 26-da keçiriləcək.

1792-ci ildə buraxılan nümunə 1-sentlik "Birch Cent" adlandırılan 7 qəpikdən biridir.

Qəpiyin bir üzündə azadlığı simvolizə edən saçı dalğalanan qadın, "Azadlıq - elmin və sənayenin valideynidir" devizi, digər üzündə isə dəyəri həkk olunub.

 

ABŞ Senatı təkid edib ki, qadın şəklinin yerinə o vaxt prezident olan Corc Vaşinqtonun profili həkk olunsun, amma sonra bu ideyadan daşınıb.

Bu qəpiklərdən biri yanvar ayında hərracda 2,585 milyon dollara satılıb.

Milli.Az