Bu il Petkim yarımadasında ilk külək elektrik stansiyasının tikintisinə başlanılacaq

Bakı, 10 mart, Nihat Budaqov,

AZƏRTAC

Bu il Petkim yarımadasında ilk külək elektrik stansiyasının (KES) tikintisinə başlanılacaq. KES-in birinci mərhələsi başa çatdıqdan sonra stansiya Azərbaycan Respublikası Dövlət Neft Şirkətinin (SOCAR) Türkiyədə ən böyük aktivi “Petkim”in elektrik enerjisinə olan tələbatının 12 faizini ödəyəcək.

AZƏRTAC

xəbər verir ki, bu sözləri “Petkim Petrokimya Holding A.Ş.”nin baş direktoru Sadəddin Qorqud deyib. S.Qorqud bildirib ki, külək elektrik stansiyasının tikintisinin 2015-ci ilin sonlarında tamamlanması planlaşdırılır.