Bu il Naxçıvanda 540 hektar ərazidə yaşıllaşdırma işləri aparılacaq

Naxçıvan, 16 mart, Rauf Əliyev,

AZƏRTAC

Bu il Naxçıvan Muxtar Respublikasında meşə fondu torpaqları, magistral avtomobil yollarının ətrafı, yarımsəhra və səhralaşmaya meyilli ərazilər də daxil olmaqla, 540 hektar sahədə yaşıllaşdırma tədbirlərinin görülməsi nəzərdə tutulub. Həmin sahələrin 200 hektarında meyvə ağacları əkiləcək.

AZƏRTAC

xəbər verir ki, artıq Naxçıvan Muxtar Respublikası Ekologiya və Təbii Sərvətlər Nazirliyi tərəfindən ağac əkinlərinin aparılmasına başlanılıb.

Xatırladaq ki, ötən il muxtar respublikada 536,5 hektar sahədə yaşıllaşdırma tədbirləri həyata keçirilib. Bu tədbirlər zamanı 440 min 700-dən çox ağac və bəzək kolları əkilib.