Bakının Süleyman Rüstəm küçəsində təmir işləri davam etdirilir

Bakı, 25 mart,

AZƏRTAC

Bakının Süleyman Rüstəm küçəsində təmir işləri davam etdirilir.

Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev

AZƏRTAC

-a bildirib ki, uzunluğu 220 metr olan küçədə beton səki daşları mərmər səki daşları ilə əvəzlənib, köhnə asfalt-beton örtüyünün qaşınması işləri başa çatdırılıb. Bu gün səhər saatlarından yeni asfalt-beton örtüyünün döşənməsinə start verilib. Sabahdan etibarən kommunikasiya quyularının dəmir-beton plitələrinin və baxış qapaqlarının dəyişdirilməsinə başlanılacaq.