İqtisadiyyat
Azərbaycan Rusiya və Gürcüstana beynəlxalq sərnişindaşıma tariflərinin aşağı salınması barədə müraciət edib
[ 16 Mart 2015 12:53 ]
Bakı. Vüsal Nəbiyev - APA-Economics. Bu ilin martın 11-dən dəmir yolunda beynəlxalq sərnişin daşımalarında tariflər təxminən 25% artıb.
“Azərbaycan Dəmir Yolları” QSC-nin mətbuat katibliyinin rəisi Nadir Əzməmmədov “APA-Economics”ə verdiyi məlumata görə, bu artım Rusiya, Ukrayna və Gürcüstan dövlətlərində milli valyutanın İsveçrə frankına olan məzənnəsi dəyişdiyinə görə, beynəlxalq sərnişin daşımalarında İsveçrə frankına uyğun tənzimlənən tariflərə müvafiq olaraq tətbiq edilib.
“Azərbaycan Dəmir Yolları” QSC bununla əlaqədar olaraq, “Rusiya Dəmir Yolları” ASC-yə və Gürcüstan Dəmir Yollarına beynəlxalq sərnişindaşıma tariflərinin aşağı salınması barədə müraciət edib.
Yaxın günlərdə qiymətlərin endirilməsi məsələsinin həll olunacağı gözlənilir.