Azərbaycan qazı Bolqarıstana Türkiyə və digər ölkələr vasitəsilə çatdırıla bilər

Bakı, 7 mart,

AZƏRTAC

Azərbaycan qazı Bolqarıstana Türkiyə və digər ölkələr vasitəsilə çatdırıla bilər.

AZƏRTAC

xəbər verir ki, bu sözləri SOCAR-ın prezidenti Rövnəq Abdullayev deyib. “Bildiyiniz kimi, “Şahdəniz-2” layihəsi çərçivəsində Bolqarıstanın “BolqarTransQaz” şirkəti ilə 1 milyard kubmetr həcmində təbii qazın çatdırılmasına dair müqavilə imzalanıb. Hazırda Azərbaycan Respublikası Dövlət Neft Şirkəti (SOCAR) Bolqarıstana bu qazın çatdırılması üçün hazırlıq işləri aparır”, - deyə R.Abdullayev əlavə edib.