Tərtər, 2 fevral, AzərTAc.
Tərtər rayonunda əhalinin məşğulluğunun təmin olunması istiqamətində tədbirlər 2014-cü ildə də uğurla davam etdirilib.
Rayon məşğulluq mərkəzinin direktoru Azər Ağayev AzərTAc-a bildirib ki, ötən il mərkəzə müraciət edən 262 nəfər iş axtarandan 212-si idarə, müəssisə və təşkilatlarda işlə təmin edilib. Bu dövrdə 20 nəfər peşə hazırlığı kursuna, 40 nəfər ictimai işlərə cəlb edilib, 30 nəfərə işsiz statusu verilərək müavinət ödənilib.
Sentyabrın 25-də keçirilən sonuncu əmək yarmarkasında 70 nəfər işaxtaran vətəndaşa göndəriş verilib ki, onlardan da 62-si işlə təmin olunub.
