Avropanın iqtisadi durumu sərmayədarları sevindirib

Dünya bazarlarında neftin qiyməti artıb. Avropada iqtisadi vəziyyətin bərpa olunması istiqamətindəki xəbərlər “qara qızıl”ın qiymətinə müsbət təsir edib. “Bloomberg”in məlumatına görə, Nyu-Yorkun elektron satış birjalarında “WTI” (Light Sweet Crude Oil) markalı neftin bareli 0,29 dollar və ya 0,4 faiz bahalaşıb, Londonda isə “Brent” markalı neftin bareli 0,37 dollar və ya 0,5 faiz qalxaraq 76, 00 dollar təşkil edib.

Analitiklər şirkətlərin maliyyə göstəricilərinin yaxşı olmasını fond indekslərinin və neftin qiymətinə müsbət təsir göstərdiyini hesab edir. Lakin bununla yanaşı, makroiqtisadiyyatın göstəricilərinə dair məlumatların heç də yaxşı olmadığı bildirilir. Neftin qiymətinin 80 dollardan yüksək olmayacağı da artıq mütəxəssislər tərəfindən proqnozlaşdırlıb.

Qeyd edək ki, maliyyə bazarlarında hələlik vəziyyət dolların əleyhinə işləyir. Belə ki, 1 dollar 1,3085 avroya təklif edilir, ötən gün isə bir dollar 1,2986 avro dəyişdirilib.

Oxunub: 29 dəfə