Körpələrin meyitləri həyətdə basıdırılıb

Fransada bir evin həyətindən 8 yeni doğulmuş körpə meyidi tapılıb. Onların yeni doğulan kimi valideynləri tərəfindən boğularaq torpağa basdırıldığı ehtimal edilir. Artıq onlaırn ölümündə şübhəli bilinən cütlük saxlanılıb.

Hadisə Lille şəhərindəki Villers-auTertre qəsəbəsindəki köhnə evlə yeni köçən şəxslərin həyətdən uşaq sümüklərini tapmaları ilə üzə çıxıb. Evdə aparılan araşdırmalardan sonra evin köhnə sahibləri, tibb bacısı işləyən qadın və inşaatçı əri polis tərəfindən saxlanılıb. Onlaırn iki böyük qızları da var.

Qəsəbə sakinlərinin sözlərinə görə, ailə 15 il öncə adıçəkilən əraziyə köçüb. Bir müddətdən sonra isə onlar evlərini dəyişərək qəsəbənin başqa tərəfində yaşamağa başlayıblar.

"Guardian" qəzetinin fransız radiolarından birinə istinadən verdiyi məlumata görə, uşaq qatili olan qadın daha 12 uşağı öldürdüyünü polisə etiraf edib.

Oxunub: 59 dəfə
Mənbə: ANS Press