“Forbes”in siyahısına 43 600 dollardan 285 min dollara qədər qiyməti olan 9 avtomobil daxil edilib

Dünyanın tanınmış “Forbes” nəşri 2010-cu ildə istehsal olunmuş planetin ən gözəl avtomobillərinin siyahısını tərtib edib. Ən yaraşıqlı avtomobillərin seçimini avtomobil istehsalçısı olan şirkətlərin ekspertləri, dizayn mütəxəssisləri və analitikləri tərəfindən aparılıb. Siyahıya 43 600 dollardan 285 min dollara qədər qiyməti olan 9 avtomobil daxil edilib.

Belə ki, 197 min dollara olan “Aston Martin Rapide” avtomobilini bütün ekspertlər bəyənib. Onların daha çox xoşuna gələn isə avtomobilin yuxarıya açılan qapıları olub ki, bu da avtomobilə xüsusi gözəllik verir və avtomobili idman maşınına bənzədir.

285 min dollara olan “Bentley Mulsanne” avtomobili dizaynından başqa, bahalı interyerinə görə bəyənilib. Belə ki, avtomobilin interyerində bahalı ağac və xüsusi növ dərilərdən istifadə olunub. Avtomobil həmçinin yaxşı dinamikasına görə xüsusi dəstəklənib. Belə ki, 100 km sürəti bu ağır limuzin 5.1 saniyəyə yığır.

Planetin ən yaraşıqlı avtomobillərinin reytinqində həmçinin “Mercedes SLS AMG”, “Alfa Romeo 8C Spider”, “Rolls-Royce Ghost”, “Maserati Quttroporte”, “Ferrari 458 Italia”, “Porsche Boxster” və “Dodge Challenger SRT8” daxildirlər.
Sonuncu model avtomobil həmçinin “Forbes”in siyahısında ən ucuz avtomobil kimi də qiymətləndirilib. Belə ki, bu avtomobilin qiyməti 43 680 dollardır.

Oxunub: 45 dəfə
Mənbə: ANS Press