İtaliyada vuvuzelanın səsindən əsəbiləşən kişi barı gülləbaran edib

Bir neçə gün öncə başa çatan mundialın simvoluna çevrilən Cənubi Afrikanın milli musiqi aləti olan vuvuzela İtaliyadakı barlardan birində qırğın salıb. Vicenza şəhərindəki barlardan birində bir qrup gəncin vuvuzela çalmasından əsəbiləşən Qianeletti Qian Pietro adlı şəxs onlara səsi kəsmələri barədə xəbərdarlıq edib. Lakin gənclərin ona əhəmiyyət vermədiyini görən şəxs maşınından götürdüyü ov tüfəngi ilə barı atəşə tutub. Xoşbəxtlikən hadisə zamanı ölən və yaralanan olmayıb.

Qian Pietro hadisə yerindən qaçsa da, qısa zamanda saxlanılıb. Məhkəmə onun psixoloji yardım alması barədə qərar verib.

Qeyd edək ki, vuvuzela arı vızıltısına bənzəyən səs çıxaran musiqi alətidir. Alət Cənubi Afrikada keçirilən Dünya çempionatından sonra məşhurlaşıb.

Oxunub: 49 dəfə