Hadisə nəticəsində bir nəfər ölüb, yaralananlar var

Ukraynanın Zaporojye vilayətində Moskva patriarxının Ukrayna pravoslav kilsəsinin məbədində partlayış baş verib. Partlayış nəticəsində ağır yaralanan bir nəfər xəstəxanada keçinib, xəsarət alanların olduğu bildirilir.

Partlayış nəticəsində kilsəyə ciddi ziyan dəyib. Partlayıcı maddənin gücü 500 qram trotil ekvivalentinə bərabər olub. Faktla bağlı cinayət işi açılıb. Şahidlərin sözlərinə görə, partlayıcı maddə kilsənin qapısı qarşısına qoyulmuş bağlamada olub.

Ukrayna Daxili İşlər Nazirliyi insidentin Moskva və bütün rusların patriarxı Kirillin ölkəyə səfəri ilə əlaqəsini istina edib.

Qeyd edək ki, iylun 27-də paytaxt Kiyevdə Kirillin Ukraynaya səfərinə etiraz olaraq, aksiya keçirməyə çalışan UNA-UNSO sağ radikal partiyasının bir neçə fəalı həbs olunmuşdu.

Oxunub: 22 dəfə
Mənbə: ANS Press