Bu gün "Eurovision" təmsilçimizlə birlikdə Oslodan qayıdan Səfurə Əlizadənin anası Nailə xanım qızının çox güclü olduğunu deyir. Nailə xanım Səfurənin birinci yeri qazana bilməməsinə yarımfinal yorğunluğunun səbəb olması ilə razılaşmır: "Səfurə yorğun ola bilməz. O çox güclü qızdır. Sadəcə olaraq mənim qızımın əynində 10 kiloqramlıq paltar var idi. Əlbəttə ki, bu ağırlıqda paltarla səhnədə hərəkətlər etmək və canlı oxumaq sizə asan gəlməsin.

Qızımı məndən çox heç kim yaxşı hiss edə bilməz. Səfurədə heç bir yorğunluq hissi yox idi. Qızımla fəxr edirəm, düşünürəm ki, bütün Azərbaycan onunla fəxr etməlidir. Çünki Səfurə təkbaşına bunun öhdəsindən gələ bildi. Nəhəng ölkələri geridə qoydu. 17 yaşlı qız üçün bu az göstərici deyil. Səfurənin rəqiblərinin 25-30 yaşları var idi. Amma Səfurə əvvəldən axıra kimi "Eurovision 2010"-un favoriti olaraq qalmağı bacardı. Bütün mətbuat nümayəndələri və telekanallar Səfurə ilə maraqlanırdılar. Erməni təmsilçisi Eva Revas 2 metrə boyu ilə Səfurənin yanında siçana dönmüşdü."

Oxunub: 34 dəfə
Mənbə: ANS Press